Arte Ederretan lizentziatua Euskal Herriko Unibertsitatean eta arte tradizionalaren munduan ibilbide sendo eta esperimentala egin eta gero, teknika eta euskarri digitalak bere lanean integratuz etapa artistiko berri baten hasierari ekin dio Naroak.  

​

Naroaren lan artistikoa, bizitzaren orekaren ulermen transzendentalaren bilaketa etengabe batetatik sortu da. Bilaketa hori bere lanean islatzen da bai maila indibidualean, koadro bakoitzarekin, bai taldean, bere margolanetako argazkietan egindako animazio digitalen integrazioaren bidez.

 

Oreka bilatze horretan etengabe jolasten du elementu polarizatuekin, hala nola, mugimendua eta baretasuna, zarata eta isiltasuna, bortizkeria eta sotiltasuna, asimetria, sakontasuna eta arintasuna, seriotasuna eta umore zentzua, espiritualtasuna eta egunerokotasuna.